القراخ مجلجله

اظاهر ان مكالمتى مع صاحبى واخويا محمد حامد توتو
هتبقى تدوينه ثابته كل يوم
بعنوان - فرفشه ,, طولها زى عرضها وما تغمش نفسك
محمد اتصل بيا وقالى ان اللى اخدو الفراخ امبارح - اتصلو بيه النهارده وزعلانين قوى
قولتله ليه هى الفراخ كانت تعبانه ؟
قالى لا الفراخ كانت مبلوله
مسكت نفسى وما ضحكتش
وسالته هما ازاى عبو الفراخ وهى مبلوله
قالى ما النور كان قاطع ومحدش شايف حاجه
مسكت نفسى برده وما ضحكتش
لقيته بيقولى 
انت عارف ان الفراخ وهى مبلوله اتمرمغت فى السبله وبقى لونها بنى خالص
قلت لنفسى عيب اضحك وصاحبى فى الظروف دى
فى الاخر لقيته بيقول 
انت عارف ريش الفراخ كان عامل ازاى
قلتله ازاى
قالى زى ما يكون واحد غاسل شعره وخاطط ( جل ) من اللى الشباب بيحطوه بيوقف شعرهم
هو قال كده وانا ما قدرتش امسك نفسى بقى
ضحك هستيرى - ويزعل بفى مش مشكله



التعليقات


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل