نزول اسعار العلف 23/1

الأربعاء 23 يناير 2013

العلف نزل امبارح 100 جنيه

بقى ب 3900 جنيه

الكتكوت زاد ووصل ل 175 قرش

اسعار اللحم طالعه نازله

من 9 ل 9.5 ل 10 ل 10.5 ل 11 ل 11.5 ل 12 ل 12.5 ل 13 ل 12.5 ل 12 ل 11.5 ل 11

ليه ؟

هو كده

alt



التعليقات

  1. ahmed hofney علق :

    النهاردة الاسعار فعلا متارجحة بشدة
    خصوصا مع الاحداث القادمة ربنا يسترها علينا وعليك ويتمهها بالستر

  2. blitzkreig علق :

    السلام عليكم ورحمه الله وبركاته
    الاسعار بتاعه اللحم فى النازل بسبب العرض الكتير عشان بكره موسم لكن انا متوقع انها ترفع بعد اسبوع والله اعلم

  3. عمر جميل علق :

    انا بتوقع ان السعر يثبت الايام دي والله اعلم بس رجائي يا خالد ان انت تصبر علي كب القصبي والله العظيم الدورة الي فاتت اليوم السابع بعد التحصين الهتشنر بساعة لقيت خمس الكتاكيت ميت انا كنت هتهبل اية السبب مش عارف دكتور قالي التحصينة مش كويسة مع انها نفس الشركة بتاعة كل دورة دكتور قالي لا لو التحصين كان كلة مات دكتور تالت قالي دة من الكتكوت انا اتعقدت المناعة كانت منخفضة جدا ومش عارف اعمل اية والنفسية مش كويسة قلت اكيد من الكتكوت لانة كان سعرة رخيص 70 قرش واكيد مش واخد حقن في المعمل قلت اعدمهم بس والله صعبو عليا قلت دة اختبار من عند الله صبرت وبصراحة اتعذبت ومش طايق ادخل المزرعة بس مع الوقت اتحسن الوضع ولم اعطي اي تحصينة تانية بس ارفع مناعة وبس والحمد لله ربنا ستر في الباقي اتاخرت ليوم 42 لان المتوسط كان ضعيف وبعدين ربنا كرم اة السعر لعب دور بس ربنا مش بينسا حد انا بقول كدة ياخالد عشان تعرف ان الدنيا فيها كتير وانت اكيد مر عليك حالات اصبر وان شاء الله هتنول ربنا يرزق الجميع

  4. احمد بريقع علق :

    طيب هل فى توقع ان سعر العلف ينزل مرة تانية ولا ناكل الكتاكيت برسيم على راى الاستاذ خالد ؟

  5. أشرف مصطفي علق :

    السلام عليكم ورحمه الله وبركاته

    انا المره دي مش ح أكون متشائم وحاقول ان فرج الله قريب
    قرأت خبر ان مصر بدأت مره اخري في تصدير الدواجن للخارج وهناك مطالبات بوقف الاستيراد وهذا ان شاء الله سيؤدي الي ثبات الأسعار
    أتمني لكل من يكافح في هذه المهنه ان يجعل الله له كل الخير والتوفيق

    أشرف مصطفي

  6. abosalah علق :

    تحياتى للاخوة الكرام
    السعر النهاردة الاربع في سوهاج 13.25 والبيع ب13 الحمد لله السعر كويس الى حد ما
    ربنا يكرمنا ويكرمك بالرزق الحلال

  7. عمر جميل علق :

    عاوز اعرف لية سعر الدواجن اغلي في وجة قبلي هل لان المزارع اقل هناك من وجة بحري مش كلة تبع البورصة هي اليوم 12 للبيع

  8. احمد علق :

    مساء الخير يا شباب انا متابع الموقع والمدونه والله انا فخور بالشباب اللي زيكم ناس عمليين انا ان شاء الله ناوي ادخل استثمار الدواجن ومتابع من العام الماضي واخدت زميل خبره ليشوف الموقع ﻻني هابني المزرعه بالكامل وهي في النوباريه قرب الطريق الصحراوي ب 35 كيلو وفي وسط الموالح فانا عايز رايكم وانتم اهل خبره

  9. abosalah علق :

    الاخ الكريم عمر فى وجه قبلى يضاف سعر نقل العلف والكتكوت مثلا انا النهاردة نزلى كتكوت ب 270 قرش في انه فالقاهرة ب 150 من يفرق سعر النقل

  10. ahmed hofney علق :

    ب 270 انته بتجيب الكتاكيت من فين يا ابو صالح

    انا بجيب الكتاكيت من مزرعة كبيرة فى الكوامل افيان 48 لما جبته الكتكوت كان ب1 جنبه و10 قروش

    النهاردة تقريبا اليوم 25 عندى فى المزرعة
    متوسط الاوزان 1200 جرام
    استهلاك العلف 3 طن و 450 كليو
    الفاقد للوفيات صفر والحمد لله

  11. yasser علق :

    عاوز اعرف مكان كويس لبيع الكتاكيت انا اول مره اليه فى التربيه بس ياريت يكون مكان كويس وايه افضل نوع كتاكيت لابد بيه جزاكم الله كل خير

  12. ahmed hofney علق :

    اخ yasser
    انا مربى جديد المجال ومدخلتش المجال غير لما درستة بدقة وملل شديد
    خدت معظم معلوماتى من استاذ خالد
    افيان 48 كويس

    فى ناس بتفضل كب الربيع
    او كب الوطنية
    اختلافات فقط فى المناعة او اعطاء الوزن مبكرااا

    افيان 48
    ومتمعلش دورة غير لما تدرس كل خطوة بدول المرة الف
    وتروح مزراع وتشوف
    وياريت لو تشتغل حته لمجرد الخبرة عامل فى مزرعة اسبوعين بس او دورة واحدة عشان الخبرة

    وانصحك متبداش دلوقت الاسعار علف غالية والسوق متذبذب

  13. محمد عرابى علق :

    عايز اعرف اشهر مزرعة بتبيع فراخ بيضاء و بلدى و ايضا بيض

  14. ahmed hofney علق :

    محمد عزابى

    كلمة اشهر مزرعة واسعة جداااااا
    انته عاوز تشتغل تاجر او وسيط لازم تتعرف على اصحاب المحلات الكبرى والمزراع الصغيرة

  15. محمد عرابى علق :

    شكرا لرد حضرتك
    انا عايز اشترى من المزارع و ابيع جملة

  16. ahmed hofney علق :

    يعنى تاجر جملة
    تبيع للمحلات الكبيرة الصبح بدرى
    يعنى لاوم معاك عربية عشان التوزيع
    وطردو اللى هى الصناديق الكبيرة

    انته من فين ؟؟؟؟؟؟؟

  17. محمد عرابى علق :

    من البحر الاحمر و هل الاسعار اللى بتعلن فى البورصة هى دى اقل الاسعار و اللا ممكن تكون اقل فى المزارع

  18. محمد عرابى علق :

    ارجو رأى الاخوة فى التعامل مع مزارع البنا

  19. ahmed hofney علق :

    لا سعر التنفيذ بيكون اقل ب20 قرش او ربع جنيه

    بالنسبة لمزراع البنا ليس لى معلومات

  20. محمد عرابى علق :

    شكرا لحضرتك


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل