اعلاف الدواجن

الاهرام / النور والبركه / هيرمان / فيدمكس / العاصمه / الفجر / الوادى

غير ذلك ؟

بناء على التجارب الشخصيه

ايهم تفضلون

ويعنى لو فيه سبب ؟

alt



التعليقات

  1. farmer farmer علق :

    واللهى عيب عليكم ,,, يعنى فيه ناس بتدخل تبص ومش بتعلق ؟
    حاجه بجد تزعل

  2. شريف فريد علق :

    انا عن نفسى شغال بالاهرام على طول لكن بسمع ان الوادى رقم واحد والله اعلم

  3. ahmednaeem علق :

    مساء الخير يا استاذ انا مشترك جديد ولﻷسف انا لا ادخل يوميا على الموقع واعجبتنى فكرة تناول الحوار فو الموقع لتبادل الخبرات فى مجال الدواجن وبدأت قراءة كل التعليقات عن الدواجن

  4. el3dwy علق :

    السلام عليكم ورحمه الله وبركاته
    مساء الفل على كل الناس اللى زي العسل يا ريت تقبلونى معاكم ضمن اصدقاء المدونه

  5. blitskreig علق :

    السلام عليكم ورحمه الله وبركاته
    ايوا يا استاذ خالد انا نفسى باستخدم عليقه الوادى اعتقد انها افضل عليقه فى السوق للاسباب الاتيه
    1-الشركه دي دوليه صاحبها راجل لبنانى اسمه موسي فريجي ولها فروع فى كل الدول العربيه ذى لبنان سوريا السعوديه السودان ليبيا الجزائر وبالمناسبه هي شركات ناجحه
    2-مستويات الطاقه والبروتين اعلى من مستويات شركات تانيه ودي طبعا بتقصر مده الدوره عشان كده مكتوب علي الشكاره 8 بمعنى 8 دورات فى السنه
    3-الراجل ده مربى زينا عشان كده بيستخدم اعلى الخامات وانظفها بس للاسف الراجل ده معندوش قطعان تسمين كلها جدودوامهات وبياض
    4-الشركه قديمه فى السوق المصرى من الثمانينات

    اخيرا ده رايي وانا باسمع ان النور و البركه جيده بس المشكله ان معظم المربيين بيجبروا على استخدام عليقه بعينهاوده بسبب الاجل
    وشكرا

  6. عمر جميل علق :

    الاخ الكريم الفجر احسن من الوادي انا جربت الاثنين الفجر ممتازة الوادي فيها نسبة سموم الله يكفيك شرها واكيد الاخوة يفيدوك

  7. uosef علق :

    يعنى يا استاذ خالد ذكرت كل الانواع دى ومفيش علف عبدالسلام حجازى ايه رئيك فيه

  8. شريف فريد علق :

    هو انا ليه مش شايف حد جاب سيره علف القاهره؟مع انى جربته قبل كده وكان ممتاز جدا ياريت الاخوه الافاضل يقولو رايهم

  9. blittskreig علق :

    السلام عليكم و رحمه الله وبركاته
    علي فكره عليقه عبد السلام حجازي نظيفه قوي بس مشكلتها ان سعرها غالى عن بقيه الشركات ب 25-50 ج للطن
    كمان عليقه القاهره دلوقتي نظيفه لانى كنت بسمع منها مشاكل كتير قوي من حوالى 5 سنىن لكن الظاهر ان هما طوروا نفسهم

  10. blittskreig علق :

    السلام عليكم و رحمه الله وبركاته
    الاخ الكريم عمرو ممكن فعلا يكون كلامك صحيح علي عليقه الوادي او اي عليقه بس خلى بالك ان السموم موش شرط تبقي سببها من الشركه ممكن يكون طريقه تخزينها عند المربي هو الوكيل وعاوزك تجرب تكب ميه لتر واحد بس على اي شكارة وتشوم تانى يوم الشكارة بعد فتحها هتلاقي الجزء اللي انكب عليه ميه كيك ولونه غير ف ما بالك بطريقه تخزين سيئه فى الجو اللي الرطوبه عاليه فيه ده
    انا لا اشكك فيما تقوله لكن لو استخدمت اي عليقه ورحت لمشرف لاي ظرف وسط الدوره لازم هتلاقيه كاتب مضاد سموم

  11. عبد الرجمن عامر علق :

    انا اشتغلت هيرمان وهولمان واسلاميه كانو كويسن اوي عل فكره

  12. عمر جميل علق :

    الاخ الكريمblittskreigاشكرك للافادة احنا نعمل الي علينا والباقي علي الله بس السموم تعباني الفراخ الي في السوق كلها تعبانة بجد فية حاجة غلط يعني المتوسط صغير مع اني ماشي بنفس الاسلوب فقلت اكيد العليقة حتي زملائي كلك بيشكو خليها علي الله حسن السوق ولا حسن البضاعة اهي ماشية 12 بس مافيش وزن عموما ربنا يعدي اليومين دول علي خير

  13. رفعت علق :

    علف العنانى ممتاز جدا

  14. khaled habib علق :

    فى اى حد عنده حل لمشكله الاى بى ارجو الافاده وشكرا

  15. farmer farmer علق :

    شريف فريد / اللى بيشتغل فى الاهرام بيعشقه واللى مش بيشتغل فيه بيقلق منه !
    ahmednaeem / el3dwy / نورتو المدونه welcome
    blitskreig / مشكلة علف الوادى انو مش بيعمل خصومات لمكاتب الدواجن وبيوفر الخصومات ويقلل بيها سعره , عشان كده بتوع المكاتب بيتجاهلوه
    عمر جميل / عندى صديق عزيز بيؤيد كلامك بشده
    uosef / بجد معرفش ان عبد السلام حجازى بينتج علف انا اعرف انو ابو الايفيان
    شريف فريد / انا ما سمعتش عن علف القاهره من سنين من ايام ما مكنش فيه غيره فى مصر وكنا بنستلمه كحصه بناخدها فى التسعينات
    عبد الرجمن عامر / رفعت / لولا اختلاف الازواق لبارت السلع
    khaled habib / مفيش حل لمشكلة الاى بى , بس كل اللى تقدر تعمله انك ترفع مناعة الفرخ ,, وعندى كمان نصيحه للى لا قدر الله يجيله اى بى , انو يوقف العلف المحبب ويدى للفراخ علف مصنع
    blittskreig / مشكور مجهودك لاثراء المدونه

  16. khaled habib علق :

    مشكور يا خلوووووووووووود

  17. وائل حوايج علق :

    اخى الكريم جزاك الله خيرا

    ممكن تدخل شركة البركة للاعلاف فى المناسبة

    ---------------

    وائل حوايج

    مدير الدعاية بشركة البركة للاعلاف المنصورة

  18. farmer farmer علق :

    البركه دى يا وائل بيك صاحبها اخو صاحب النور والبركه ,, ويا ترى هى علف تثمين وللا تسويق
    ولو امكن معاليك تدينا اسعارها

  19. وائل حوايج علق :

    شكرا لك اخى الكريم

    معروف طبعا ان صاحب شركة النور والبركة اخو صاحب شركة البركة

    بالنسبة للعلف اللى فى البركة يوجد علف تثمين وعلف تسويق وذرة مجروشة وردة جيفكو ورده سودانى وصويا وجلوتين

    وللمزيد من المعلومات ادخل على صفحة الشركة على الفيس بوك

    http://www.facebook.com/pages/%D8%B4%D8%B1%D9%83%D8%A9-%D8%A7%D9%84%D8%A8%D8%B1%D9%83%D8%A9-%D9%84%D9%84%D8%A3%D8%B9%D9%84%D8%A7%D9%81-%D9%88%D8%A7%D9%84%D8%AA%D8%AC%D8%A7%D8%B1%D8%A9-%D9%88%D8%A7%D9%84%D8%A7%D8%B3%D8%AA%D9%8A%D8%B1%D8%A7%D8%AF-%D9%88%D8%A7%D9%84%D8%AA%D8%B5%D8%AF%D9%8A%D8%B1/207360549299536?ref=hl#!/pages/%D8%B4%D8%B1%D9%83%D8%A9-%D8%A7%D9%84%D8%A8%D8%B1%D9%83%D8%A9-%D9%84%D9%84%D8%A3%D8%B9%D9%84%D8%A7%D9%81-%D9%88%D8%A7%D9%84%D8%AA%D8%AC%D8%A7%D8%B1%D8%A9-%D9%88%D8%A7%D9%84%D8%A7%D8%B3%D8%AA%D9%8A%D8%B1%D8%A7%D8%AF-%D9%88%D8%A7%D9%84%D8%AA%D8%B5%D8%AF%D9%8A%D8%B1/207360549299536

    ---------------

    وائل حوايج

    مدير الدعاية بشركة البركة للاعلاف المنصورة

  20. محمود علق :

    جرب علف البركه وشوف الفرق


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل