الكتكوت ب 20 قرش
10 يناير 2013
من الحاجات الواضحه فى مصر اليومين دول
اننا فى هبوط
هبوط فى قيمة الجنيه
هبوط فى درجات الحراره
هبوط فى اسعار الكتاكيت لدرجة انى سمعت النهارده
عن كتاكيت ب 20 قرش
يعنى تدفع جنيه وتاخد 5 كتاكيت
20 قرش : 90 قرش
ربنا يستر وما يجيلناش هبوط فى الدوره الدمويه
ولا حول ولا قوه الا بالله
حساس للهيتر
هى حاجات صغيره
بس مهمه
مع الهيتر حساس بيركب فى الجهاز وسلك يوصل لنص العنبر
عشان يقيس الحراره
مش عند الهيتر بس ,, لا , كده بيقيسها فى العنبر كله
الهيتر بعد تجربة 4 ايام
كنت وعدتكم
انى مش هتكلم عن الهيتر الا بعد تجربته
والنهارده عن تجربه
حابب اقولكم انها تجربه ناجحه 100 %
وبنصحكم وبسرعه
تشتروه على ضمانتى
بالمناسبه
الهياتر ماليه السوق
اللى يشترى يحاول يهتم قوى بالمصدر ( المستورد )
وانا بحمد ربنا انو كرمنى ب أ/ حسين
ودا مستورد محترم
طبعا من خلال معرفتكم بيا على مدار شهور
انتو اكيد عارفين انى مش بعمل دعايه له , بس بجد هو عجبنى
لان اهم من الشراء والبيع ,, خدمه ما بعد البيع
30/30/30
احبائى
اسف انى اتاخرت عليكم
بس معلش
النور قاطع والنت قاطع
وادى اللى خدناه من حكم الاخوان
:)
عموما امبارح
كان فات على نزول الكتكوت 30 ساعه
وكان اكل 30 جرام علف
وكان زاد 30 جم فى وزنه